នៅពេលអ្នកដំឡើងWindows 7 រួចហើយអ្នកត្រូវតែធ្វើការជ្រើសរើសប្រភេទនៃ Network ឬហៅថា Network Location។នេះជាលក្ខណទូទៅមួយរបស់Windows7 ក្នុងការកំណត់របាំងការពារ (Firewall) និងការកំណត់សុវត្ថិភាពសម្រាប់ប្រភេទនៃNetwork ដែលអ្នកនិងធ្វើការតភ្ជាប់ទៅកាន់។ប្រសិនបើអ្នកភ្ជាប់ Network មានទីតាំងខុសគ្នាឧទាហរណ៍ដូចជា Network នៅផ្ទះនៅកន្លែងធ្វើការផ្សេងៗឬនៅតាមហាងកាហ្វេជាដើម។ដែលការជ្រើសរើសយកប្រភេទនៃបណ្ដាញទំនាក់ទំនង(Network)អាចឱ្យមានភាពប្រាកដប្រជាថាអ្នកបានកំណត់យកកម្រិតប្រព័ន្ធសុវត្ថិភាពបានត្រឹមត្រូវដែរឬទេ។នៅក្នុងនោះយើងឃើញទីតាំងនៃ Network មានបួនប៉ុន្តែក្នុងចំណោមទាំងបួនគឺមានតែបីទេដែលយើងមានប្រើប្រាស់ជាញឹកញាប់ដែលគេយកមកប្រើប្រាស់ជា Work group។
១-Home network គឺប្រើសម្រាប់បណ្ដាញ Network មួយដែលអ្នកបានស្គាល់ពីឧបករណ៍និងស្គាល់មនុស្សដែលបានប្រើក្នុងបណ្ដាញ Networkនោះហើយគ្រប់កុំព្យូទ័រទាំងអស់មានដំណើរការ Home network វាអាចជារបស់ Homegroupតែមួយ។នោះនាំឱ្យ Network discovery គឺត្រូវបានបើកជានិច្ចសម្រាប់ home network ដែលអាចអនុញ្ញាតឱ្យអ្នកប្រើប្រាស់(Users)មើលឃើញកុំព្យូទ័រទាំងអស់និងឧបករណ៍ផ្សេងៗនៅលើបណ្ដាញ Network ព្រមទាំងអាចអនុញ្ញាតឱ្យ users នៅក្នុងបណ្ដាញ Network ផ្សេងអាចមើលឃើញកុំព្យូទ័រនៅក្នុងបណ្ដាញ network នោះផងដែរ។
តើ network discovery ជាអ្វី?
Network discovery គឺជា Network មួយដែលអាចធ្វើឱ្យកុំព្យូទ័ររបស់អ្នកអាចធ្វើការទំនាក់ទំនងបានជាមួយកុំព្យូទ័រផ្សេងៗបានហើយឧបករណ៍នៅលើNetwork ធ្វើឱ្យកុំព្យូទ័ររបស់អ្នកស្គាល់គ្នានៅក្នុងបណ្ដាញទំនាក់ទំនងនេះ។នៅក្នុងនោះដែរមាន network discovery បីដែលយើងអាចធ្វើការកំណត់បាន។
-On: វាមានតួនាទីអាចឱ្យអ្នកមើលឃើញកុំព្យូទ័រផ្សេងៗពីកុំព្យូទ័ររបស់អ្នកហើយឧបករណ៍ Network ក៏អាចឱ្យកុំព្យូទ័រផ្សេងៗមើលឃើញកុំព្យូទ័ររបស់វិញដែរ។ចំណុចនេះទីកន្លែងដ៏ងាយស្រួលមួយក្នុងការចែករំលែក File & Printer។
-Off: វាមានតួនាទីរារាំងឬទប់ស្កាត់មិនឱ្យកុំព្យូទ័រផ្សេងៗមើលឃើញឈ្មោះកុំព្យូទ័ររបស់អ្នកនៅក្នុងបណ្ដាញ Network ផងដែរទាំងកុំព្យូទ័រក្នុងនិងក្រៅ Network។
-Custom: វាគឺត្រូវបានគេច្របាច់បញ្ចូលគ្នាគ្រប់ចំណុចដែលបានជាប់ពាក់ព័ន្ធទៅ network discovery ដែលត្រូវបានគេបើកប៉ុន្តែមិនមែនគ្រប់ជម្រើសនៃការកំណត់នោះទេ។
ឧទាហរណ៍ថា network discovery អាចត្រូវបានគេបើកប៉ុន្តែ system administrator និងអាចត្រូវបានគេធ្វើការផ្លាស់ប្ដូរជញ្ជាំងភ្លើងការពារ(Firewall)ដែលធ្វើឱ្យnetwork discovery មានឥទ្ធិពល។ដើម្បីចូលទៅកំណត់ network discovery > right លើ Network > Properties។
-ចុចលើ ‘ Change advanced sharing setting ‘បន្ទាប់មកមានផ្ទាំងសារបង្ហាញដូចខាងក្រោម ដើម្បីអ្នកអាចធ្វើការជ្រើសរើសច្រើន។
-ជ្រើសរើសជាមួយជម្រើសអ្នកចង់កំណត់បន្ទាប់មកចុចលើប៊ូតុង ‘ Save changes‘ ដើម្បីយល់ព្រម។
២-Work network : ជាជម្រើសដ៏ល្អមួយសម្រាប់អ្នកប្រើប្រាស់បណ្ដាញ Network មានចំនួនកុំព្យូទ័រឬសម្រាប់កន្លែងការងារតូចៗដែលមានដំណើរការដូចចំណុចទី១ខាងលើដែរតែចំណុចនេះគឺអ្នកមិនអាចបង្កើតឬ Join homegroup បានទេ។
៣-Public network: អាចប្រើជាNetwork ទូទៅជាពិសេសសម្រាប់បណ្ដាញ Network មានទីតាំងធំដែលអ្នកចូលរួមប្រើច្រើន។ទីតាំងនេះត្រូវបានគេបង្កើតឡើងដើម្បីលាក់ឈ្មោះកុំព្យូទ័រអ្នកមិនឱ្យអ្នកផ្សេងមើលឃើញទោះស្ថិតក្នុង Network តែមួយក៏ដោយព្រមទាំងបានជួយការពារកុំព្យូទ័រអ្នកចេញពីកម្មវិធីដែលរំខានអ្នកពីអ៊ីនធឺណិតផងដែរ។ HomeGroup គឺមិនត្រូវបានឱ្យចូលរួមឬមិនអាចទំនាក់ទំនងបាននៅលើ Public network បានឡើយយើង network discovery គឺត្រូវបានបិទ។ជាជម្រើសល្អដែរប្រសិនបើអ្នកបានភ្ជាប់កុំព្យូទ័រផ្ទាល់ទៅអ៊ីនធឺណិតដោយមិនចាំបាច់ប្រើ Router ដោយប្រើឧបករណ៍ផ្សេងៗជំនួសវិញ។
៤-Domain network location: គឺត្រូវបានគេប្រើសម្រាប់ Domain network ដូចនៅតាមសហគ្រាសឬក្រុមហ៊ុននិងកន្លែងធ្វើការធំជាដើម។បណ្ដាញ Network បែបនេះ Client មិនមានសិនធ្វើការផ្ទាស់ប្ដូរអ្វីបានឡើយគឺស្ថិតក្រោមការគ្រប់គ្រងរបស់ Administrator។ជាបន្តទៅក្រោយពីលោកអ្នកបានដឹងអំពីតួនាទីនីមួយនិងអត្ថប្រយោជន៍រួចហើយអ្នកអាចធ្វើការផ្លាស់នូវប្រភេទបណ្ដាញ Network របស់អ្នកបានយ៉ាងងាយប្រសិនបើបានជ្រើសរើសឬបានកំណត់យកប្រភេទ Network ខុស ក្រោយពីអ្នកបានដំឡើង Windows7 រួចមក។ដូច្នេះដើម្បីធ្វើការផ្លាស់ប្ដូរចុច Right click លើ Network > Properties ។
-ចុចលើប្រភេទ Network ដែលបានជ្រើសរើសហើយអ្នកចង់ប្ដូរទៅកាន់ប្រភេទ Network ថ្មី។
-ពីជម្រើសទី១ដល់៣ដោយចុចលើជម្រើសណាមួយដែលអ្នកត្រូវការបន្ទាប់មកចុចលើប៊ូតុង“ Close “ នោះអ្នកនិងទទួលបានប្រភេទ Network ថ្មីសម្រាប់ប្រើនៅលើបណ្ដាញNetwork របស់អ្នក៕