ឧបករណ៍ចែករំលែក 3G / 4G Wireless ជំនាន់ថ្មី

ដោយសារតែតម្លៃក្នុងការតភ្ជាប់ Internet ចូលផ្ទះបច្ចុប្បន្នមានតម្លៃសមរម្យដែលអាចទទួលយកបាននោះធ្វើឱ្យ ស្ទើរតែគ្រប់ផ្ទះទៅហើយដែលបានភ្ជាប់ Internet ដើម្បីប្រើប្រាស់តាមផ្ទះរៀងៗខ្លួន។ ដើម្បីទទួលបាន Wifi ដើម្បីចែករំលែក Internet ដែលអ្នកបានតចូលផ្ទះហើយនោះអ្នកត្រូវការឧបករណ៍មួយបន្ថែមទៀតគឺ Router wifi ដែលអាចឱ្យអ្នកអាចប្រើប្រាស់ Internet ពេញក្នុងផ្ទះតែម្តងទាំងជាមួយទូរស័ព្ទនិងកុំព្យូទ័ររបស់អ្នក។

mac-internet-sharing

ប្រសិនបើអ្នកធ្វើដំណើរតាមផ្លូវឆ្ងាយពីផ្ទះវិញតើមាន wifi ដើម្បីប្រើប្រាស់ Internet មកពីណា? អ្នកអាចមានច្រើនជម្រើសដោយ ប្រើប្រាស់ 3G Modem / 4G Modem ភ្ជាប់ជាមួយកុំព្យូទ័ររបស់អ្នកហើយ Share Wifi ចេញពីកុំព្យូទ័រដើម្បីប្រើប្រាស់បានច្រើនគ្នា ឬ អ្នកប្រើប្រាស់ 3G ដែលមាននៅក្នុងទូរស័ព្ទដៃរបស់អ្នកហើយអ្នក Share Wifi តាម Personal Hotspots ដើម្បីប្រើប្រាស់បានច្រើនឧបករណ៍ដូចជា Laptop ឬទូរស័ព្ទដៃជាដើម។

ប៉ុន្តែជម្រើសខាងលើមិនមែនជាជម្រើសល្អទេ ជម្រើសទីមួយមានលក្ខណៈសាំញាំ ឯជម្រើសទីពីរវិញរិតតែមិនគួរជ្រើសរើស ដោយសារនៅពេលដែលអ្នកបើក 3G នៅក្នុងទូរស័ព្ទដៃរបស់អ្នកទូរស័ព្ទអ្នកឆាប់ឡើងក្តៅនិងឆាប់ អស់ថ្មទៅហើយចុះទម្រាំតែ Share Wifi តាម Personal Hotstops ទៀតនោះ!

យើងសូមបង្ហាញលោកអ្នកពីឧបករណ៍មួយដែលដើរតួជា Router Wifi នៅក្នុងផ្ទះផង និងជាឧបករណ៍សម្រាប់ចែករំលែក 3G / 4G Wireless អាចប្រើប្រាស់បានឆ្ងាយពីផ្ទះបាន។

TL-MR3040 3G-4G Wireless N Router

បំពេញតម្រូវការអ្នកប្រើប្រាស់បានច្រើនយ៉ាង

TP-LINK TL-MR3040 គឺជាឧបករណ៍ចែករំលែក Wifi អចល័ត ឬ ចល័តដែលអាចភ្ជាប់ជាមួយខ្សែ Internet ដែលតចូលក្នុងផ្ទះ ឬអាចភ្ជាប់ជាមួយ 3G/4G Modem ដែលអាចចែករំលែក Internet បានល្បឿនរហូតទៅដល់ 150Mbps និងអាចចែករំលែក Internet ទៅកាន់ឧបករណ៍ចំនួន 5 ក្នុងពេលតែមួយ។ ម្យ៉ាងវិញទៀតឧបករណ៍នេះវាមានភាពងាយស្រួលក្នុងការ Setup connection ជាមួយនឹង wireless network បានលឿន បន្ទាប់ពីអ្នកធ្វើការដោត USB Modem 3G/4G ឬ ប្រើប្រាស់ជាមួយខ្សែ LAN/WAN ។

3 Features of TL-MR3040

បច្ចេកវិទ្យា 4G លឿនឥតគណនា – Ultrafast Wireless

ដោយសារតែវាជាឧបករណ៍ថ្មីរបស់ក្រុមហ៊ុន TP-Link ដូចនេះហើយទើបវាអាច Support ជាមួយនឹង ស្តង់ដា Wireless Communication ស៊េរីចុងក្រោយគឺ 4G LTE ដែលមានល្បឿនដោនឡូតខ្ពស់រហូតដល់ 100Mbps និង ល្បឿន Upload បានរហូតដល់ 50Mbps ។ ដូចនេះប្រសិនជាក្រុមហ៊ុនដែលផ្តល់សេវា Internet អាចផ្តល់សេវា 4G នោះអ្នកនឹងអាចប្រើប្រាស់ Internet ជាមួយនឹងល្បឿនដែលលឿនជាមួយនឹងឧបករណ៍នេះបាន ។

Speed of TL-R3040

ងាយស្រួលដាក់តាមខ្លួន និងអាចប្រើប្រាស់បានគ្រប់ទីកន្លែង

វាមានទំហំតូចល្មមដែលអាចដាក់ចូលក្នុងហោប៉ៅបាន និងមានថ្មខាងក្នុងដែលអ្នកអាចសាកថ្មប្រើប្រាស់ក៏បានឬអាចភ្ជាប់ ជាមួយភ្លើងប្រើផ្ទាល់ក៏បាន ដែលកំលាំងថ្មមាន 2,000mAh ដែលអាចឱ្យអ្នកប្រើប្រាស់បាន 4 ទៅ 5 ម៉ោងប្រសិនជាអ្នកបើកប្រើប្រាស់ជាប់។ នៅក្នុងនោះវាមានភ្ជាប់ជាមួយខ្សែ USB ដូចនេះអ្នកអាចសាកថ្មវាជាមួយកុំព្យូទ័ររបស់អ្នកក៏បានដែលវា ងាយស្រួលដូចទៅនឹងការសាកថ្ម Smart Phone ដទៃផងដែរ ។

ការតភ្ជាប់បានច្រើនវិធី ប្រើបានច្រើនយ៉ាង

TL-MR3040 មាន ៣របៀប (Mode) ក្នុងការប្រើប្រាស់រួមមាន 3G/4G Mode, WISP Mode និង AP Mode ដែល វាមានភាពងាយស្រួលក្នុងការផ្លាស់ប្តូរ Mode នេះដោយនៅគៀនឧបករណ៍នេះអ្នកអាចប្តូរដោយខ្លួនឯងបាន ដែល 3G/4G Mode ប្រើប្រាស់ជាមួយនឹង 3G/4G USB Modem ដែលតម្រូវឱ្យអ្នកដោតភ្ជាប់ Modem ចូលទៅឧបករណ៍នេះហើយអ្នកអាចចែករំលែក WiFi បានភ្លាមៗតែម្តង។ ចំពោះ WISP (Wireless Internet Provider) អ្នកអាចយកឧបករណ៍នេះមកប្រើប្រាស់ជា WISP Client ដើម្បីធ្វើការចែករំលែក Wifi បន្ត។ ចំនែកឯ AP Mode វិញយើងអាចប្រើប្រាស់បានអាចមានលក្ខណៈជា Repeater ឧទាហរណ៍ថាអ្នកនៅក្នុងបន្ទប់ហើយ Wireless Router របស់អ្នកនៅខាងក្រៅហើយអ្នកចាប់សេវា Wifi មិនសូវបានអ្នកអាចប្រើប្រាស់ ឧបករណ៍នេះដើម្បីជួយឱ្យ Signal Wifi នៅក្នុងបន្ទប់របស់អ្នកកាន់តែខ្លាំងជាងមុនបាន ។

ជាមួយនឹង TL-MR3040 នេះអាចប្រើប្រាស់បានច្រើនរបៀបទៀតដែលខាងក្រោមនេះយើងនឹងរៀបរាប់លម្អិតបន្តរទៀតពីវា៖

ក. AP Mode (ចែករំលែកបន្តពីខ្សែ)

AP Mode ត្រូវបានប្រើប្រាស់ក្នុងការបង្វែរការភ្ជាប់ដោយខ្សែទៅជា Wireless ដែលវាដំណើរការជា Switch តាមធម្មតាគេច្រើនប្រើ Mode នេះជាមួយនឹង Router ។ ប្រសិនបើអ្នកនៅកន្លែងធ្វើការ សណ្ឋាគារ ឬនៅកន្លែងណាដែលមានផ្តល់ជាខ្សែ Network សម្រាប់ភ្ជាប់ Internet ទៅកុំព្យូទ័ររបស់អ្នកនោះ អ្នកអាចប្រើប្រាស់ AP Mode ដែលមាននៅក្នុងឧបករណ៍នេះ ។

ខ. Wireless Router Mode (for home Internet sharing)

អ្នកប្រើប្រាស់ Router Mode នៅពេលដែលអ្នកប្រើប្រាស់ Internet ដែលភ្ជាប់ពី DSL ឬខ្សែចេញពី Modem ពីក្រុមហ៊ុន ISP មក។ វា Support ជាមួយនឹង Connection ច្រើនប្រភេទដូចជា IP, Static IP, PPPoE, L2TP, PPTP ។

គ. Repeater Mode (ពង្រីកតំបន់សេវាអ៊ីនធឺណិត)

Repeater ប្រើប្រាស់សម្រាប់ពង្រីកបន្ថែមនូវតំបន់សេវារបស់ Wireless ជាមួយនឹងឈ្មោះ Wireless ដដែល (SSID) និង Password ដដែល ។ នៅពេលដែលអ្នកមាន Wireless រួចហើយនោះហើយមានកន្លែងខ្លះដែល Wireless Signal មិនអាចទៅដល់នោះអ្នកអាចប្រើប្រាស់ជាមួយនឹង Repeater Mode ដើម្បីជួយពង្រីកបន្ថែមបាន ។

ឃ. Bridge Mode (បង្កើត Network បន្ថែម)

Bridge Mode មានន័យថាវាខ្លី Wireless Internet ដែលមានស្រាប់ហើយ Broadcasts បន្តទៀតដោយប្រើឈ្មោះ Network ថ្មី (SSID) និងលេខសម្ងាត់ថ្មី។ ជាមួយនឹង Mode នេះអាចបង្កើតបាន Network 2 ក្រុមផ្សេងគ្នាក្នុងការចែករំលែក Internet ។ សម្រាប់ហាងអាហារតូច នៅផ្ទះ ឬនៅការិយាល័យដែលមានតម្រូវការប្រើប្រាស់ Internet ដែលត្រូវផ្តល់ទៅឱ្យភ្ញៀវដែលមិនត្រូវការ Password នោះអ្នកអាចប្រើជាមួយ Bridge Mode បាន ។

ង. Client Mode

ជាមួយនឹង Client Mode អ្នកអាចប្រើប្រាស់ជាមួយនឹងឧបករណ៍ដែលប្រើប្រាស់ខ្សែដែលមាន Ethernet Port ឱ្យក្លាយជា Wireless Adapter ដែលអាចទទួលបាន Wireless Signal ពី Wireless Network បានដូចជា Smart TV, Media Player, ឬ game console ដែលមាន Ethernet port ។

ច. AP Client Router Mode (សម្រាប់ WISP User)

វាធ្វើការ ភ្ជាប់ទៅកាន់ Wireless Network ហើយអាច Share Connection ទៅកាន់ Clients របស់វាបាន។ វាអាច Support Dynamic IP/Static IP/PPPoE/L2TP/PPTP ។ នៅពេលដែលខាង WISP ផ្តល់ចំនួនកំណត់របស់ Clients ក្នុងភ្ជាប់ Wifi នោជាមួយនឹង AP Client Router Mode អាចជួយអ្នកបាន ។